Ambasadori i Shteteve të Bashkuara të Amerikës në Kosovës, Jeff Hovenier, ka thënë se mirëpret inaugurimin e Gjykatës Ekonomike të Kosovës, raporton Gazeta10.

Hovenier ka thënë se kjo gjykatë e mbështetur nga USAID-i do të përshpejtojë zgjidhjen e mosmarrëveshjeve të komplikuara komerciale.

Ai e ka quajtur këtë si një hap të madh para lidhur me rindërtimin e besimit të sektorit privat me gjyqësorin e Kosovës.

Këtu keni statusin e plotë:

“Mirëpresim inaugurimin e Gjykatës Ekonomike të Kosovës të hënën. Kjo gjykatë, e mbështetur nga USAID, do të përshpejtojë zgjidhjen e mosmarrëveshjeve komplekse komerciale dhe është një hap i madh përpara për rindërtimin e besimit të sektorit privat në sistemin gjyqësor të Kosovës”, ka shkruar Hovenier në llogarinë e tij në Twitter. / Gazeta10