Policia e Kosovës ka njoftuar se ka kapur mbi 30 mijë euro në një veturë me targa serbe që ishte ndaluar për kontroll në pikëkalimin kufitar në Bërnjak.

I njëjti nuk i kishte deklaruar këto mjete.

“Nga njësia policore kompetente është ndaluar për kontroll në vijën e dytë një veturë e dyshuar me targa serbe, të cilën po e drejtonte i dyshuari mashkull serb. Gjatë kontrollit të automjetit dhe personave (drejtuesit të mjetit dhe pasagjerit), në çantën e pasagjerit janë hasur mjete monetare euro në shumë të përgjithshme prej 25.515€, dhe dinarë shuma e të cilave arrin vlerën 4813€ (në total 30.328€). Lidhur me rastin janë ndërmarrë veprimet procedurale për trajtim të mëtejmë të rastit nga dogana sipas legjislacionit në fuqi”, thuhet në njoftim.