Komentatori politik Krenar Shala ka komentuar zhvillimet politike në Kosovë dhe procesin e zgjedhjes së presidentit.

I ftuar në emisionin “Adresa” në Kanal10, Shala tha se situata mund të jetë e ndërlikuar, por sipas tij, procesi është në rrugën e duhur drejt zgjedhjes së presidentit.

“Sigurisht mund të jetë e ndërlikuar, mendoj që është në rrugën e duhur me u zgjedh presidenti. Ma merr mendja që do të zgjidhet”, u shpreh Shala.

Ai vlerësoi se shumica e partive politike nuk kanë interes që vendi të shkojë në zgjedhje të reja, ndërsa bëri një përjashtim për Partinë Demokratike të Kosovës (PDK).

“Nuk ka interes asnjë parti politike të shkohet në zgjedhje, përveç PDK-së. Më doket që po e presin Hashim Thaçin”, tha Shala./Gazeta10