Edhe pse ende nuk janë publikuar të dhënat përfundimtare dhe zyrtare për votat që kandidatët politikë kanë marrë në zgjedhjet e 7 qershorit, ndërsa procesi i numërimit po shkon drejt përfundimit, analisti politik Krenar Shala ka paraqitur një vlerësim të tijin mbi ndarjen e mandateve.

Gjatë një llogaritjeje në Politiko, Shala tha se, bazuar në llogaritjet e tij, Lëvizja Vetëvendosje mund të sigurojë 52 deputetë në Kuvend.

“Po e bëj autentike, pritjet janë 52 deputetë”, deklaroi ai, duke lënë të kuptohet se rezultati përfundimtar mund të lëvizë brenda këtij intervali, varësisht nga përmbyllja e numërimit dhe certifikimi i rezultateve.