Emërimin e Alban Krasniqit – bashkëshortit të Ministres së Drejtësisë, Albulena Haxhiu, si Këshilltar i Jashtëm Politik të Ministrit të Administrimit dhe Pushtetit Lokal, e ka konfirmuar ministri Elbert Krasniqi. 

Këtë ai e ka bërë pas raportimit të Gazeta10, nëpërmjet një postimi në rrjetin social Facebook, transmeton Gazeta10. 

Ministri Krasniqi ka thënë se angazhimi i Alban Krasniqit në këtë ministri do të bëhet pa pagesë. 

“Alban Krasniqi i bashkohet ekipit tim, si këshilltar i jashtëm politik, përvoja e tij në qeverisjen lokale është tejet e dobishme dhe për këtë arsyje ndihem i nderuam që ai është tashmë pjesë e ekipit tonë duke dhënë këtë kontribut pro bono (pa pagesë), pra pa ndikuar në buxhetin e shtetit”, ka shkruar më tej ai./Gazeta10