Raporti: Saranda Aliu
Qëndrimi i kryetarit të Leposaviqit Lulzim Hetemi rreth një muaj brenda objektit komunal është komentuar nga ekspertë e njohës të ligjeve. Avokatët kanë ngritur pikëpyetjet në lidhje me ligjshmërinë e këtij rasti. Sipas tyre Hetemi e ka privuar veten nga shumë të drejta.

Rasti i ngujimit të kryetarit të Leposaviqit, Lulzim Hetemi, brenda objektit të komunës, po konsiderohet si më i rralli.

Njohësit e drejtësisë kanë thënë se asnjë ligj nuk e rregullon një veprim të tillë, e sipas tyre në asnjë shtet të botës kryetari nuk flenë në komunë.

Kështu, avokatët në Kosovë i kanë bërë thirrje Inspektoratit të Punës që të ndërhyjë.

Nga ana tjetër, avokatët po e konsiderojnë Hetemin si të vet burgosur.

Lidhur me qëndrimin e tij brenda objektit të komunës për më shumë se një muaj, është ngritur edhe çështja e higjienës dhe takimit me familjarët.

Që nga 29 maji, katër ditë pas betimit, kryetari i Leposaviqit është ngujuar brenda objektit të komunës.

Ani pse kanë kaluar më shumë se një muaj, Lulzim Hetemi ende nuk dhënë ndonjë qëndrim zyrtar lidhur me qëndrimin e tij brenda objektit ose për punët që i ka kryer pas marrjes së detyrës./Gazeta10