Presidentja e Kosovës Vjosa Osmani gjatë qëndrimit në New York është takuar me kryeshefen ekzekutive të Korporatës së Sfidave të Mijëvjeçarit (MCC), Alice Albright.

Osmani shkroi në Facebook se është “gjithnjë kënaqësi” kur takohet me Albright.

“Në New York, e falënderova për mbështetjen e vazhdueshme të MCC-së për sektorin e energjisë në Kosovë, përmes marrëveshjes historike në vlerë prej 236.7 milionë dollarësh, e e cila po kontribuon në zhvillimin e qëndrueshëm ekonomik të vendit tonë”, shkroi ajo.

Në fotografi, së bashku me Osmanin shihen edhe ambasadori i Kosovës në SHBA, Ilir Dugolli dhe konsulli i përgjithshëm i Kosovës në New York, Blerim Reka.