Një përplasje e ashpër ka ndodhur në “Politiko” mes komentatoreve politike, Shqipe Pantinës dhe Fatime Hajdarit.

Komentatorja politike, Fatime Hajdari ka thënë se qeveria Kurti ka ndërmarrë hapa të mirë gjatë kësaj qeverisjeje, duke e përmendur në veçanti sovranitetin në veri.

Me një mendim të tillë nuk është pajtuar Pantina.

“Kjo shtrirje e sovranitetit në veri, a e ka liru rrymën? A na i ka ul çmimet? A na ka rritur kualitetin në shëndetësi, arsim? A i ka rritë rrogat e këtyre qytetarëve? Sa është çmimi tash dhe sa ka qenë para 5 vjete?”, ka pyetur Pantina.

“Për një lek, a e diskutojmë për një lek. Është humor”, ka reaguar Hajdari.

“E vetmja gjë që krenohet VV është që e ka shtri sovranitetin në veri. Veç shkoni këqyrni në QKUK, hala t’i shkrujnë ilaçet në letra”, ka thënë Pantina. /Gazeta10/