Instituti Hidrometeorologjik i Kosovës, ka njoftuar se gjatë ditës së sotme pritet të ketë mot me diell dhe vranësira të shpërndara.

Në njoftim shtohet edhe se temperaturat minimale pritet të jenë mes 10 dhe 14 gradë celsius, ndërsa ato maksimale mes 25 dhe 28 gradë celsius.

Njoftimi:

E martë (07.07.2026)

Parashihet mot me diell dhe vranësira të shpërndara. Vranësirat gjatë ditës, kryesisht pasdite, mund të sjellin ndonjë rigë lokale shiu.

🌡️ Temperaturat minimale do të jenë 10 deri në 14°C, ndërsa maksimalet 25 deri në 28°C.

💨 Era do të fryjë nga veriperëndimi dhe perëndimi, me shpejtësi 1–6 m/s.