Për herë të parë në historinë e Qendrës për Studime Universitare (QSU), një kadet i QSU-së ka nisur studimet semestrale në Universitetin Norwich në Shtetet e Bashkuara të Amerikës, me bursë studimi.

Kjo është hera e parë që një kadet i QSU-së përfiton mundësinë për të ndjekur studime semestrale në një universitet në SHBA me bursë, duke shënuar një moment historik për Qendrën për Studime Universitare dhe një arritje të rëndësishme në zhvillimin akademik e profesional të kadetëve.

Arritja dëshmon përkushtimin e vazhdueshëm të QSU-së për avancimin e edukimit ushtarak dhe akademik, si dhe vizionin e Komandantit të FSK-së, gjeneral Jashari, dhe Komandantit të QSU-së, major Budeci, për krijimin e mundësive të reja për shkollim, zhvillim profesional dhe përvojë ndërkombëtare për kadetët.