Policia e Kosovës ka dhënë detaje të shtënat me armë zjarri në Veternik gjatë ditës së djeshme, ku të plagosur mbetën tre persona.  Konflikti kishte nisur me një rrahje,  duke kaluar më pas edhe në përdorimin e armës së zjarrit.

Për rastin, policia bën të ditur se janë intervistuar nëntë persona, e po ashtu është identifikuar një i dyshuar, i cili është në kërkim policor.

“Rr. Prishtinë-Ferizaj 12.08.2024 – 06:04. Gjatë një rrahje ku ishin të përfshirë disa persona, ishin përdorë edhe armë zjarri. Lëndime trupore kanë pësuar dy femra dhe një mashkull kosovar. Në vendngjarje në cilësi të provave materiale është gjetur dhe konfiskuar një gëzhojë. Lidhur me rastin janë intervistuar 9 persona.

Të lënduarit janë dërguar ne tretman mjekësor në QKUK. Lidhur me rastin është identifikuar një i mashkull kosovar cili është në kërkim policor”, thuhet në raportin 24 orësh të Policisë së Kosovës.