Komentatori politik, Fidan Rama, ka reaguar pas deklaratave të nënkryetarit të Lidhja Demokratike e Kosovës (LDK), Lutfi Haziri, në “Politiko” lidhur me koalicionin në Vushtrri.

Rama në “Politiko” ka theksuar se koalicionet lokale nuk duhet të trajtohen si problem, por si vendime që duhet t’u takojnë degëve komunale.

“Komunat ose degët duhet të lihen në vetvete të vendosin se si ata e shohin pushtetin lokal, sepse askush më mirë sesa ata që janë aty nuk e di se si mund të funksionojë vota në këmbim — qoftë i dyti apo i treti,” ka deklaruar ai.

Sipas Ramës, vendimmarrja lokale është thelbësore për ndërtimin e bashkëpunimeve stabile dhe funksionale në nivel komunal. /Gazeta10