Gazeta10

Scholes shpjegon çfarë duhet të bëjë Arsenali për ta fituar Premierligën

Legjenda e Manchester United, Paul Scholes e ka lavdëruar punën që e ka bërë Arsenali për ta transferuar Leandro Trossard, por beson se pretendenti për titull duhet të synojë të bëjë më shumë transferime para se të mbyllet merkatoja dimërore.

“Topçinjtë” transferuan Trossardin nga Brightoni për 34 milionë euro, dhe sulmuesi belg bëri një paraqitje fantastike në debutimin e tij për klubin kundër Manchester United pasi që hyri në lojë si zëvendësues.

Ishte pikërisht pasimi i Trossard drejt Oleksandr Zinchenkos që e vuri këtë të fundit në pozitë për të harkuar, harkim ky i cili gjeti Eddie Nketiahn i cili shënoi golin e fitores ndaj United.Ndërsa Scholes e cilësoi nënshkrimin e Trossard si një transferim të madh, fituesi i 11 herë i Premier Ligës e di vlerën e madhe të rezervistëve dhe beson se Arsenali duhet të përforcohet ende më shumë.

“Ata lojtarë të cilët inkuadrohen në lojë mund të mos jenë aq të mirë sa titullarët, por ata mund të jenë edhe më të mirë kur e startojnë ndeshjen nga banka rezervë. Kur Leandro Trossard u inkuadrua në vend të Gabriel Martinellit kundër United, nuk mendova se e dobësoi Arsenalin, dhe me të vërtetë nuk e bëri”, tha Scholes.

“Kështu që unë mendoj se Trossard është një transferim i shkëlqyeshëm. Dy ose tre më shumë do t’i jepnin më shumë motiv kësaj skuadre që të marshoj tutje dhe ta fitojë Premier Ligën”, tha më tej Scholes.

Duket sikur Arsenali është dakord me fjalët e legjendës së United, pasi që së fundi ka konfirmuar transferimin prej 30 milionë eurosh të qendërmbrojtësit Jakub Kiwior nga skuadra e Spezias, dhe thuhet se londinezët po synojnë të përforcojë edhe reparte të tjera.

Raportohet se Arsenali po përpiqet të rrëmbejë lëvizjen e Chelseat për mesfushorin e Brightonit, Moises Caicedo, ndërsa numri 8 i Juventusit, West McKennie thuhet se është gjithashtu në radarin e “Topçinjëve”.Për më tepër, Arsenali po lufton me Borussia Dortmundin për mbrojtësin e krahut të djathtë, Ivan Fresneda, me adoleshentin që do të marrë vendim për të ardhmen e tij gjatë 24 orëve të ardhshme.

Arsenali në vendin e parë ka pesë pikë më shumë se Manchester City në vendin e dytë, me një ndeshje më pak të zhvilluar se kampioni aktual anglez.

NË FOKUS

ssssssssssss
Prishtina Mall, mrekullia arkitektonike nga Kosova
Capture-83
Nënë e bijë në Fushë-Kosovë dyshohet se u plagosën për çështje pronësore
kurti-albin-1-1500x1000
6 kushtet e Albin Kurtit për pranimin e Asociacionit të Komunave me Shumicë Serbe
csfsdcfs
Prishtina Mall, investimi më i madh privat nga paslufta në Kosovë
ddddddddddddddddddddddaaaaaaaa
Lushtaku i PDK-së: Unë e mbështes qëndrimin e Kurtit, Kosovës nuk i duhet Asociacioni
w_57794423-920x560-1
Kryeministri kroat i reagon presidentit Milanoviq: Kosova është shtet i pavarur, s’e ka aneksuar askush
327879897_515184650744611_8125306403054678261_n
Ahmeti: Albin Kurti nuk e pranon “Zajednicën”, pikë
324383982_1231481120778257_7716010291127426959_n
Prishtina Mall, mrekullia arkitektonike dhe ekonomike nga Kosova