Presidentja e vendit, Vjosa Osmani ka pritur në takim sot shefin e ri të Misionit të BE-së për Sundim të Ligjit në Kosovë (EULEX), Giovanni Pietro Barbano.

Siç njofton EULEX-i, ata shkëmbyen pikëpamjet e tyre ndaj situatës aktuale në Kosovë dhe Barbano theksoi se do të vazhdojë të mbështesë institucionet e sundimit të ligjit në Kosovë.

“Barbano shprehu përkushtimin e tij për të vazhduar mbështetjen e institucioneve të sundimit të ligjit në Kosovë drejt rritjes së pavarësisë, qëndrueshmërisë dhe pajtueshmërisë me standardet ndërkombëtare dhe praktikat më të mira, përmes komponentëve të ndryshëm të mandatit të EULEX-it”, thuhet në njoftimin e EULEX-it./Gazeta10