Një person ka vdekur sot, pas një aksidenti trafiku në rrugën magjistrale Prishtinë- Podujevë.

Lajmin për Gazeta10 e ka konfirmuar zëdhënësja e Policisë për rajonin e Prishtinës, Flora Ahmeti.

Ajo tha se në aksident janë përfshirë një biçiklist dhe një kamion derisa policia ka nisur zbardhjen e rrethanave.

Ahmeti bëri të ditur se vdekjen e biçiklistit e ka konstatuar ekipi mjekësor në vendngjarje.