Milaim Zeka ka thënë se kryeministri, Albin Kurti me deklaratën e tij lidhur me rrezikun e madh të një lufte të mundshme nga Serbia, është duke i larguar edhe investitorët e huaj, transmeton ‘Gazeta10″.

Tutje komentatori politik, Zeka në Politiko e ka quajtur skandaloze këtë deklaratë të shefit të Qeverisë së Kosovës.

“Deklaratat e Kurti për luftë është përtej skandalit. Është e paimagjinueshme që një kryeministër i një vendi bënë një deklaratë të tillë, duke ditur efektet e jashtëzakonshme negative në tregun ekonomik-tregtar e botërorë. Ai po i trembë investitorët e huaj. Kryeministri me thanë që jemi në prag të luftës, e që nuk është e vërtetë, dhe nëse Kurti paska informacion për rrezik të luftës, KFOR-i, NATO e shërbimet intelegjente i kanë 1 milion informacione, dhe e dinë edhe andrrat qysh i sheh Vuçiqi”, tha ndër tjera Zeka.

Më poshtë mund të ndiqni Live Politikon në kanalin tonë zyrtar në Youtube. /Gazeta10