Abuzimi me substanca narkotike nga të rinjtë vazhdon të jetë një shqetësim i madh në shoqërinë kosovare. Varësia nga droga sa vjen e shtohet dhe kjo dëshmohet çdo ditë me kapjen dhe arrestimin e dhjetëra personave konsumues e shpërndarës të narkotikëve.

Nja rast i tillë është zbuluar mbrëmë pas mesnate në rrugën “Dardania” në Fushë Kosovë, ku Policia ka ndaluar një veturë, nën dyshimet për gjësende të kundërligjshme.

Sinjali ka mësuar se pas kontrollit të veturës dhe tre personave që ndodheshin në të, zyrtarët policorë kanë gjetur një sasi të substancës narkotike, të llojit marihuanë.

Për shkak të posedimit të drogës, tre personat e dyshuar janë shoqëruar në stacion policor për intervistim, ndërsa droga është sekuestruar.

Me urdhër të Prokurorit të Shtetit, ndaj tyre është iniciuar rasti për veprën penale ‘Posedim i paautorizuar i narkotikëve, substancave psikotrope ose analoge’.