Një ngjarje e frikshme ka ndodhur në dalje të tunelit të Llogarasë, me një makinë tip Mercedes fouristradë, që është përfshirë nga flakët.

Familjarët kanë shpëtuar mrekullisht, me prindërit dhe dy fëmijët që kanë dalë menjëherë nga automjeti pasi kanë parë tym.

Shkëndija elektrike dyshohet se ka qenë shkaku i zjarrit që përfshiu automjetin.

Njoftimi i policisë:

Sot, në aksin rrugor Dukat-Dhërmi, dyshohet se aksidentalisht si pasojë e një shkëndije elektrike, ka marrë flakë, në ecje e sipër, automjeti tip “Benz” me drejtues shtetasin E. S, 55 vjeç. Nga flakët janë shkaktuar vetëm dëme materiale.

Grupi hetimor po punon për sqarimin e plotë të rrethanave të ngjarjes.