Sekretari amerikan i Shtetit, Marco Rubio, ka njoftuar sot se ka marrë postin e ushtruesit të detyrës të administratorit të Agjencisë të Shteteve të Bashkuara për Zhvillim Ndërkombëtar (USAID), shkruan CNN.

Deklarata e tij vjen disa orë pasi Elon Musk tha se Presidenti Donald Trump kishte nënshkruar mbylljen e agjencisë.

Rubio ka deklaruar se ka shumë funksione të USAID-it “që do të vazhdojnë” dhe ato, sipas tij, do të jenë pjesë e politikës së jashtme amerikane, por “duhet të jenë në linjë me politikën e jashtme amerikane”.