Nga Partia Demokratike e Kosovës i kanë reaguar edhe njëherë kryeministrit Kurti për ftesën që ky i fundit ua dërgoi partive opozitare për takim, raporton Gazeta10.

Në një postim në Facebook, zyrtari i lartë i kësaj partie, Betim Gjoshi, ka thënë se sipas tij, Kurti nuk po kërkon konsensus politik.

Gjoshi thotë se Kurti e ka për qëllim të dalë e të gënjejë se ishte i vetmi që mbrojti interesin e Kosovës.

“Kryeministër, është një vend që e quajnë Kuvendi i Kosovës. Shko aty dhe informo qytetarët se çka ke ba veç për 2-3 herë që u takove me Vuçiqin?”, shkroi ai./Gazeta10