Kryeministri i Shqipërisë, Edi Rama, po qëndron në një vizitë zyrtare në Azerbejxhan, raporton Gazeta10.

Ai ka takuar atje presidentin e Azerbejxhanit, IIham Aliyev.

Me të ai ka diskutuar për tema të rëndësishme të bashkëpunimit teksa e ka falënderuar edhe për dekretin presidencial të çeljes së ambasadës së Azerbejxhanit në Tiranë.

Këtu keni statusin e plotë:

“Me Presidentin e Azerbajxhanit, Ilham Aliyev, për një bilanc të ecurisë së marrëdhënieve pas vizitës së tij në Shqipëri, ku u vendosën piketa të rëndësishme konkrete bashkëpunimi, si edhe për ta falënderuar për dekretin presidencial të çeljes së ambasadës së Azerbajxhanit në Tiranë”, ka shkruar Rama në llogarinë e tij në Facebook. / Gazeta10