Derisa KFOR ka konfirmuar se ka pasur të shtëna në afërsi të patrullës së tij në Zubin Potok, kreu i Listës Serbe, Goran Rakiq ka mohuar një gjë të tillë.

Ai ka thënë se nuk ka pasur asnjë sulm ndaj KFOR-it, derisa ka kritikuar mediat shqiptare se po përdorin luftën hibride gjoja se ‘për ta tëhequr misionin në synimet e tyre’, raporton Gazeta10.

“Sipas informacioneve të KFOR-it dhe Shtabit të Krizave, do të mohoja pretendimet e mediave shqiptare se në Zubin Potok ka ndodhur një sulm ndaj KFOR-it. Ky informacion është vetëm një tjetër në serinë që Prishtina, si pjesë e luftës hibride, po e përdor për të ngrohur më tej situatën dhe për ta tërhequr KFOR-in në synimet e tyre”, ka thënë Rakiq për një televizion serb. /Gazeta10