Deputetja nga Lista Guxo, Jeta Statovci, e ka quajtur nënkryetaren e PDK-së, Vlora Çitaku, si “ambasadore të ndarjes”, pasi kjo e fundit tha se “kufijtë e Kosovës i ka larë me gjak UÇK-ja dhe se Kosovën e pavarur e sovrane Presidentja e tanishme e ka trashëgu”.

Tutje deputetja Statovci përmes një postimi në Facebook akuzon Çitakun se sa ishte ambasadore në Uashington ishte angazhuar “për të ja cunguar kufijtë Kosovës”.

Postimi i plotë i Statovcit:

E dëgjuam edhe ambasadoren e ndarjes teksa na mbajti fjalë për kufijtë e Republikës së Kosovës. “Presidentja Osmani i ka gjetë të gatshëm kufijtë e Republikës”, paska thënë Vlora.

E po kjo qartazi fsheh pas vetës bindjen se Vlora, na e paska një farë të drejte që t’i ngushtojë këta kufijë kur e vlerëson ajo. Mbase këtu e gjejmë edhe shkakun e gjithë atij angazhimi të Vlorës në Washington sa ishte ambasadore, për të ja cunguar kufijtë Kosovës apo siç atëherë thuhej, për t’ja kthyer dhuratat Rankoviçit.