Mot kryesisht me diell pritet të mbretërojë përgjatë pesë ditëve të ardhshme.

Kështu ka bërë të ditur Instituti Hidrometeorologjik i Kosovës përmes një komunikate.

Mëngjeset, ashtu si shumica e ditëve të kësaj periudhe pritet të jenë me ngrica të lehta, ndërsa gjatë ditës temperaturat do të jenë më të larta.

“Mëngjesi sikur edhe ditët tjera do të jetë me ngrica të dobëta , ndërsa gjatë ditës grafiku i temperaturave do të rritet. Temperaturat maksimale do të ulen për 1-3 gradë, ndërsa minimalet mbeten konstante”, thuhet ndër tjerash në njoftimin e këtij instituti.