Një aksident trafiku ka ndodhur sot në rrugën Prishtinë-Podujevë.
Lajmin e ka konfirmuar për lajmi.net zëdhënësja e Policisë së Kosovës në rajonin e Prishtinës, Flora Ahmeti.

Në këtë aksident janë përfshirë dy automjete dhe lëndime trupore kanë pësuar dy persona.

“Sot rreth orës 12:00, në rrugën Prishtinë -Podujevë, ka ndodhur një aksident trafiku, ku janë përfshirë dy automjete. Si pasojë e aksidentit dy persona kanë pësuar lëndime trupore. Me rastin po merret njësiti i trafikut rajonal”, ka thënë Ahmeti .