Policia e Kosovës ka njoftuar se ka arrestuar personin e dyshuar për incidentin e ndodhur para pak ditësh në tregun e kafshëve në Prizren, i cili ishte shpallu në kërkim.

37-vjeçari, Xhevdet Selimi po kërkohej për veprën penale “Shkaktimi i rrezikut të përgjithshëm”.

Ai po dyshohet se bashkë me Remzi Murtezin, i cili ndodhet në paraburgim, aktivizuan mjetin shpërthyes dhe për pasojë u lënduan 10 persona.

Përmes një njoftimi, Policia tha se falë bashkëpunimit me media dhe qytetarë ka arritur që të lokalizojë dhe arrestojë të dyshuarin, ndaj të cilit prokurori i shtetit ka lëshuar masën e ndalimit për 48 orë. /Gazeta10/