Deputeti gjerman nga CDU/CSU, Knut Abraham, e ka quajtur lajm të mirë vendimin e Qeverisë për regjistrimin e pronës së Manastirit të Deçanit sipas vendimit të Gjykatës Kushtetuese.

Ai, përmes një postimi në platformën X, ka theksuar se ky vendim i Qeverisë së Kosovës ia hapë dyert vendit për anëtarësim në Këshillin e Evropës.

“Lajm i mirë sot nga Kosova. Me zbatimin e aktgjykimit të Manastirit të Deçanit, Kosovës i hapen dyert për anëtarësim në Këshillin e Evropës në maj”, ka shkruar Abraham./Gazeta10