Njohësi i çështjeve politike, Blerim Gashi, sonte në emisionin debatues “Politiko”, ka cilësuar se për takimin që pritet të mbahet javën e ardhshme në mes Kryeminstrit Albin Kurti dhe Aleksandër Vuciç duhet të kemi pritshmëri reale, transmeton Gazeta 10.

“Dinamika mes takimeve, ta quaj e këtyre titanëve politikë si z. Kurti dhe z. Vuçiç dhe gjithë liderëve tjerë që vendosin, është e rritur, ajo u pa me delegimin e përfaqësuesve më të koncentruar që kanë një mbamendje historike apo institucionale, posaqërisht nga pjesa amerikane. Me Hill-in në Beograd, z. Eskobar dhe ambasadorin ndër më të përkushtuarit që Amerika ka pasur në Kosovë…del që ky takimi që vie javën e ardhëshme me të gjitha këto shtytjet tutje që disa nga marrëveshjet janë aktualizu sic është plani dinamik për realizimin e marrëveshjes për energji, pritjet duhet të jenë kogja reale…”, ka thënë ndër të tjera komentori politik./Gazeta 10