Në fjalimin e tij në “Marshin për Liri”, i pari i PDK-së, Bedri Hamza tha se qytetarët e Kosovës do të vazhdojnë të qëndrojnë të bashkuar sa herë që, sipas tij, preket UÇK-ja dhe vlerat për të cilat ajo luftoi.

“Kudo që preket UÇK-ja, ne ngrihemi. Dhe do të ngrihemi sa herë që të ketë nevojë”, tha Hamza.

Ai theksoi se prania e qytetarëve në këtë marsh është dëshmi e mbështetjes dhe respektit për ish-krerët e UÇK-së, në një kohë kur procesi gjyqësor në Hagë po përcillet me vëmendje të madhe në Kosovë.