Analisti, Bardhyl Hasanpapaj, sonte në “Politiko me Kushtrim Sadikun”, ka thënë se Kosova po tregon seriozitet, pasi po përcakton temat për të cilat duhet të diskutohet në Bruksel. 

“Ky takim është thirre si rezultat i një vendimi të Qeverisë së Kosovës, që ka shtri autoritetin ligjor mbi veriun e Kosovës, duke e nxjerrë një vendim që siç duket ka arrite të pranohet nga Bashkësia Ndërkombëtare”, ka thënë fillimisht ai. 

Më tej, Hasanpapaj, ka deklaruar se beson që reciprociteti mes Kosovës dhe Serbisë tashmë veçse është arritur, dhe se po flitet se vetëm kur do të fillohet të zbatohet.  

“Është shumë me rëndësi që nesër Kurti bashkë me bashkësinë ndërkombëtare të dalë me diçka konkrete që duhet të zbatohet…unë po shpresoj që nesër, konteksti është i atillë që duhet të ketë një marrëveshje”, ka deklaruar Hasanpapaj./Gazeta10