Ambasadori i Shteteve të Bashkuara të Amerikës në Kosovë, Jeffrey Hovenier i ka pritur sot në takim drejtuesit e Qendrës Burimore të Personave të Zhdukur.

Hovenier përsëriti thirrjen që të kapërcehen dallimet dhe të punojnë së bashku për zgjidhjen e rasteve.

“I nderuar të takohem sot me drejtuesit e Qendrës Burimore të Personave të Zhdukur dhe të dëgjoj për punën e tyre të rëndësishme. Ne përsërisim thirrjen tonë për zyrtarët që të kapërcejnë dallimet dhe të punojnë së bashku për zgjidhjen e rasteve. Kanë kaluar shumë vite me shumë pak përgjigje për familjet e të zhdukurve”, shkroi ambasadori amerikan në “X”.