KEDS ka publikuar hartën e reduktimeve me energji elektrike në komunat e Kosovës, raporton Gazeta10.

Në njoftimin e tyre KEDS thotë se kufizimet janë planifikuar meqë s’mund të përballohen çmimet e importit.

Në bazë të këtyre kufizimeve do të ketë ndërprerje të energjisë në të gjithë vendin për dy orë në ditë.

Këtu keni statusin e plotë:

“Njoftohu për kufizimet e planifikuara në hartë

Duke qenë se kriza energjetike tashmë është thelluar në vendin tonë për shkak të pamundësisë për t’i mbuluar çmimet e importit, kufizimet e planifikuara me energji elektrike kanë filluar për të gjithë konsumatorët.

Këto kufizime sipas planit të dërguar nga KOSTT, do të vazhdojnë të jenë rreth 2 orë për secilin grup të konsumatorëve, në periudha të ndryshme të ditës.

Informimi i konsumatorëve për kohën e kufizimeve të planifikuara është duke u bërë përmes ueb-faqes së KEDS, më saktësisht përmes hartës, ku konsumatorët mund të shohin kufizimet e planifikuara që do të ndodhin në pikën matëse të saj/tij apo të lagjes ku jeton.

Vizito: https://outage.keds-energy.com/”, thuhet në njoftimin e tyre në Facebook. / Gazeta10