Korporata Energjetike e Kosovës sot ka pranuar rekomandime nga Komiteti Teknik për Energji, për t’i shfrytëzuar 7 milionë euro nga subvencioni i qeverisë për import të energjisë elektrike. 

Kjo është bërë e ditur nga KEK-u, nëpërmjet një njoftimi për medie, transmeton Gazeta10. 

Sipas korporatës, ky rekomandim ka ardhur me qëllim të furnizimit të pandërprerë me energji elektrike dhe eliminimit të devijimeve. 

“Aktualisht, KEK është duke punuar intensivisht me Ministrinë e Ekonomisë në finalizimin e marrëveshjes për jetësimin e rekomandimeve të Komitetit Teknikë të Energjisë”, thuhet ndër të tjera në njoftim./Gazeta10