Kryeministrja e Serbisë, Ana Bërnabiq ka arritur për vizitë në Kosovë, megjithse në vitin 2019 ajo ishte shpallur person non-grata.

Gjatë takimit me përfaqësuesit e serbëve lokal, ajo ka thënë se “Serbia nuk do t’i braktisë kurrë ata”.

“Është kënaqësi dhe nder të jem në Kosovë. Dua që prej këtu ta dërgoj një mesazh të paqes, stabilitetit dhe tolerancës dhe ta sjelli mesazhin e presidentit Vuçiq se çdo herë do të jemi me popullin serb në Kosovë”, ka thënë ajo në ndërtesën e Qendrës Multimedia në Mitrovicë.