Presidentja e Kosovës, Vjosa Osmani, ka zhvilluar një bisedë telefonike me Emirin e Katarit, Tamim Bin Hamad Al Thani.

Osmani ka njoftuar se me Al Thanin folën për mundësinë që Kosovës t’i hiqen vizat drejt Katarit dhe mundësisë për investime të tjera në vendin tonë, raporton gazeta10.

“Diskutuam për marrëdhëniet e shkëlqyera Kosovë – Katar, përpjekjet për forcimin e pozitës ndërkombëtare të Kosovës, zgjerimin e mundësive për investime dhe marrëveshjen e ardhshme për heqjen e ndërsjellë të vizave”, ka shkruar Osmani në platformën X.

Kujtojmë që ditë më parë presidentja Osmani pati njoftuar që qytetarët e Kosovës do të udhëtojnë pa viza drejt Emirateve të Bashkuara Arabe, pas negocimit që Osmani ka bërë me krerët e shtetit arab. /Gazeta10/