Deputetja në Kuvendin e Kosovës nga rradhët e Partisë Demokratike të Kosovës, Blerta Deliu, ka thënë se qytetarët kanë mbetur në terr dhe se ata po paguajnë edhe tarifa të larta, raporton Gazeta10.

Ajo ka thënë se ky pushtet di të ndjell vetëm keq për vendin.

Tutje, Deliu ka thënë se Kosova ka mbijetuar kohë edhe më të errëta se kjo qeverisje dhe se edhe kjo do të kalojë.

Këtu keni statusin e plotë:

“Ne mes të verës qytetarët po përballen me reduktime të energjisë elektrike. Për të arsyetuar rritjen e cmimit të energjisë elektrike, Albin Kurti thoshte se ka vetëm nje zgjidhje: reduktime të energjisë ose shtrenjtim të energjisë?

Mjerisht, qytetarët sot edhe kanë mbetur në terr edhe paguajnë energjinë elektrike me tarifa të larta.

Besoj se tashmë të gjithë e kanë kuptuar pse ky pushtet di vetëm të ndjell e mbjell kohë të errëta, nisur nga ekonomia, mirëqenia, kultura e deri te krjimi i panikut i përballjes me një luftë të re, e cila zhvillohet vetëm në imagjinatën e tyre.

Kosova ka mbijetuar kohë edhe më të errëta, do ta kalojmë edhe këtë”, ka shkruar Deliu në llogarinë e saj në Facebook.

Kujtojmë se mbrëmë vonë KEDS ka njoftuar se Kosova do të hyjë në reduktime 6:2 në tërë vendin. Kjo ka ngjallur reagime kundërshtuese nga opozita dhe Shoqëria Civile / Gazeta10