Gazeta10

Sesioni pranveror u karakterizua me mungesë kuorumi e dështim të seancave

Raport: Gentiana Gashi

Kuvendi i Kosovës është kritikuar për dështimin e shumë seancave si dhe mungesë të kuorumit.

Monitoruesit e punës së kuvendit, thonë se partia në pushtet do të duhej të ishte më produktive, shkruan Kanal10/

Eugen Cakolli nga Insituti Demokratik i Kosovës, ka thënë se përkundër kësaj, gjatë sesionit pranveror ky institucion ka arritur të përmbush 2/3 e agjendës legjislative.

“Në kuptim të numrave kjo legjislaturë qëndron shumë më mirë sesa legjislaturat paraprake, kryesisht edhe për shkak të faktit se shumica parlamentare ka një numër të konsiderueshëm të deputetëve dhe është e konsoliduar”, thotë Cakolli.

Ndonëse e sheh si hap pozitiv miratimin e rregullores së re të Kuvendit, Cakolli ka thënë se ajo do duhej t’i parashihte edhe sanksionet për deputetët që mungojnë në seanca.

Kurse, nga Instituti i Kosovës për Drejtësi, kanë theksuar se Kuvendi me Qeverinë nuk kanë pasur bashkëpunim të mirëfilltë.

Ehat Miftaraj nga ky insitut ka thënë se se është përgjegjësi e koalicionit qeverisës që të sigurojë të paktën shumicën e thjeshtë në Kuvend

“Kuvendi ka pasur hapësirë shumë më të madhe për të funksionuar në mënyrë të mirëfilltë, me vetë faktin se kemi një numër të madh të seancave të dështuara për mungesë të kuorumit dhe që partia në pushtet ka një shumicë solide në Kuvendin e Kosovës dhe do të thotë se për ligje të thjeshta i kanë pasur numrat, kjo thuajse nuk ka ndodhur në shumë seanca që deputetët kanë munguar me apo pa arsye”, u shpreh ai.

Legjislativi ka përmbyllur punën e sesionit pranveror në javën e parë të gushtit. /Gazeta10

NË FOKUS

askk
Ky është numri i banorëve për secilën komunë të Kosovës
riu
Në lulen e rinisë/ I riu 24 vjeç u vra pas debatit për muzikën e lartë
vdess
Vdes aktori i njohur në moshën 46 vjeçare, dyshohet se shkaktar ishte nxehtësia
drita
Vdes aktorja e humorit Drita Duraku
faton
“Më është bërë zullum”- Faton Hajrizi shfaqet me një video, tregon arsyen e arratisjes nga burgu i Smrekonicës
faton
Faton Hajrizi lajmërohet sërish nga arratia, Sveçlës ia shan mbiemrin dhe i vë bast: Kurrë nuk mundesh me më kapë
ylli
Zbulohet vajza misterioze në krah të Ylli Limanit
vd
Vdes e reja nga Prishtina, vuante nga një sëmundje e rëndë