Një aksident ka ndodhur sot në mëngjes në rrugën Gjilan-Prishtinë ku si pasojë janë lënduar tre persona.

Kështu bëri të ditur për media, zëdhënësja e Policisë së Kosovës për rajonin e Prishtinës, Flora Ahmeti.

“Sot rreth orës 07:00, kemi pranuar informatën për një aksident trafiku rrugor të ndodhur në rrugën Gjilan-Prishtinë. Në aksident janë përfshirë dy automjete. Si pasojë e aksidentit tre persona kanë pësuar lëndime trupore, të cilët janë dërguar për tretman mjekësor. Njësia rajonale e trafikut po merret me rastin”, ka thënë Ahmeti. /Gazeta10 /