Tina Turner ka vdekur në moshën 83-vjeçare.

Këngëtarja ikonë ka ndërruar jetë sot (e mërkurë) në shtëpinë e saj në Zvicër pas një sëmundjeje të gjatë, shkruan DailyMail.

“Tina Turner, ‘Mbretëresha e Rock’n Roll’-it ka vdekur sot në mënyrë paqësore në moshën 83-vjeçare pas një sëmundje të gjatë në shtëpinë e saj në Küsnacht afër Cyrihut të Zvicrës”, thuhet në deklaratën e lëshuar nga një përfaqësues për median i familjes së saj.

Turner kishte vuajtur një sërë problemesh shëndetësore vitet e fundit, duke përfshirë kancerin, një goditje në tru dhe dështimin e veshkave.