Vinicius Junior dhe Real Madridi janë në negociata që një kohë të gjatë për vazhdimin e bashkëpunimit, por ende nuk është arritur një marrëveshje përfundimtare.

Kjo për shkak të kushteve që sulmuesi brazilian po i kërkon drejtuesit të klubit madrilien.

Përfaqësuesit e Vinicius Junior duan një pagë prej 20 milionë euro fikse në sezon plus bonuset që do të arrijnë deri në 10 milionë euro.

Ata e kanë konsideruar si të pamjaftueshme ofertën e fundit të Real Madridit për rinovim.

Vini preferon të presë dhe të shikojë se si do të shkojë edicion nën urdhërat e Xabi Alonsos përpara se të marrë një vendim përfundimtar.