Ambasada e Shteteve të Bashkuara të Amerikës ka shkruar për Dimitrin Peskov, fytyrën e propagandës së Kremlinit, raporton Gazeta10.

Në njoftimin e Ambasadës së ShBA-së thuhet se Peskov ka shërbyer si zëdhënës i Vladimir Putinit që nga viti 2008.

Tutje, thuhet se i njejti ka luajtur një rol kryesor në fushatën propagandistike dhe dezinformuese lidhur me disa helmime që janë bërë në Rusi në nivele të larta.

Peskov është përfshirë me rolin e tij në mënyrë destruktive edhe në luftën që ka filluar Rusia në Ukrainë.

Këtu keni postimin e plotë:

“Fytyrat e Propagandës së Kremlinit | Dmitri Peskov ka shërbyer si zëdhënës i Vladimir Putinit që prej vitit 2008. Në këtë cilësi, ai ka luajtur një rol kyç në fushatat propagandistike dhe dezinformuese për të mbuluar lidhjet e Kremlinit me helmimin me polonium të ish-oficerit të inteligjencës ruse Alexander Litvinenko në vitin 2006, helmimin me Novichok të ish-oficerit të inteligjencës ushtarake ruse Sergei Skirpal dhe vajzës së tij Yulia në vitin 2018 dhe helmimin me Novichok të liderit të opozitës ruse Alexei Navalny në vitin 2020. Përpara se Putini të niste luftën e tij të paprovokuar dhe brutale kundër Ukrainës, Peskov mohoi vazhdimisht se Rusia kishte ndonjë qëllim për të pushtuar fqinjin e saj. Ai pohoi në mënyrë të rreme se Rusia nuk përbënte kërcënim për Ukrainën, se Rusia nuk kishte sulmuar kurrë asnjë komb tjetër dhe se Rusia do të ishte “vendi i fundit në Evropë” që mund të mendonte për fillimin e një lufte. Shërbimi ndaj Putinit ka qenë fitimprurës për Peskovin dhe pavarësisht se ka qenë nëpunës civil gjatë gjithë karrierës së tij, ai dhe familja e tij tani janë multimilionerë. Lexo më shumë: ”, thuhet në llogarinë e Ambasadës Amerikane të Shqipërisë në Facebook. / Gazeta10