Sot janë bërë 25 vite nga Masakra mbi familjen Berisha në Suharekë, ku nga 49 të vrarë, trupat e 20 prej tyre ende nuk janë gjetur.

I mbijetuari i kësaj masakre, Gramoz Berisha e ka kujtuar me dhimbje këtë përvjetor.

Ai përmes një postimi në Facebook, ka shkruar se edhe ky përvjetor sikur të gjithë të tjerët e rikuptimëson të vertetën tone, raporton gazeta10.

Postimi i plotë pa ndërhyrje:

Një çerek shekulli pas, ende nuk i kemi trupat e disa prej më të dashurve tanë.

Edhe ky përvjetor sikur të gjithë të tjerët e rikuptimëson të vertetën tonë.

E vërtetë që i rëndon kriminelët, dhe na lehtëson neve viktimave.

Nuk ka propagandë, investim, fushatë e as narracion që do ta shemb këtë të vërtetë.

Ne ishim viktima, ata ishin kriminelë.

Nuk duam të mbesim peng i së kaluarës por kurr nuk do të lejojmë që dikush ta ndryshoj të vërtetën e kësaj të kaluare.

Askush nuk do ta lejoj këtë. Nuk e lejojme as une, as Vjollca as Shyhretja.