Gazetari dhe moderatori Ridvan Berisha, në edicionin special të Kanal 10, ka folur i emocionuar pas vendimit të sotëm në Hagë.

Berisha tha se e ka të vështirë t’i përshkruajë emocionet e tij pas vendimit, duke theksuar se ndihet shumë keq për atë që ndodhi sot.

“Absolutisht për ta paraqitur drejtimin tim, s’muj me mshef që jam ni tepër keq. Edhe mendoj që sot kjo Gjykatë tregoi që ka fitu rrëfimi i kasapit Millosheviqit kundër Kosovës, kundër përjetimit etnik që ishte në teh të mosekzistencës përballë mizorisë së Millosheviqit”, tha Berisha.

Sipas tij, rrëfimi i Gjykatës dhe ai kolektiv i Kosovës janë krejtësisht të ndryshëm.

“Dhe tregimi i Gjykatës dhe tregimi kolektiv i Kosovës dallojnë si nata me ditë”, u shpreh Berisha.