Një ditë pas certifikimit të zgjedhjeve të 7 qershorit, kryeministri në detyrë, Albin Kurti, u ka dërguar ftesë për takime krerëve të partive politike, në përpjekje për të gjetur një zgjidhje për krijimin e institucioneve.

Lidhur me këtë zhvillim, analisti politik Krenar Shala, në emisionin “Politiko”, është shprehur skeptik për mundësinë e një bashkëpunimi ndërmjet Lëvizjes Vetëvendosje dhe Lidhjes Demokratike të Kosovës (LDK).

“Me LDK-në kam filluar me i hup shpresat që do të ketë bashkëpunim, për shkak të disa divergjencave që janë brenda partive. Por le të shpresojmë, ndoshta do ta bëjnë me PDK-në. Le të shpresojmë. E zgjidhja ma e mirë është mos me shku në zgjedhje”, deklaroi Shala.