Gazetari Bahri Cani ka folur për procesin gjyqësor në Hagë, duke thënë se i ka përcjellë proceset gjyqësore atje që nga koha e ish-presidentit jugosllav, Slobodan Millosheviq.

Cani tha se gjatë këtij procesi ka qenë e mundur të krijohej një ide për dëshmitarët dhe peshën e dëshmive të tyre, ndërsa vlerësoi se Prokuroria, sipas përshtypjes së tij, është përballur me dëshmitarë të diskutueshëm.

Megjithatë, ai theksoi se në proces ka pasur edhe dëshmi që mund t’i kenë rënduar të akuzuarit dhe për këtë arsye, sipas tij, është e vështirë të parashikohet vendimi përfundimtar.

“Unë i kam përcjellë proceset në Hagë qysh nga koha e Millosheviqit. Pak a shumë është ditur cilët janë dëshmitarët e çfarë peshe kanë, e në këtë proces kam përshtypje që Prokuroria me të vërtetë e ka humb rrugën me dëshmitarë të diskutueshëm, me dëshmi, por sigurisht që ka pas dëshmi që i kanë rëndu.

Ndaj është shumë shtirë të paragjykohet se cili mund të jetë vendimi përfundimtar.”