Vendimi i Aleancës  për të refuzuar ftesën për takim me kryeministrin në detyrë dhe kryetarin e Lëvizjes Vetëvendosje, Albin Kurti, po vlerësohet si një veprim i gabuar politik  nga Burim Korqa.

Duke folur “Politiko”, Korqa tha se Aleanca është dashur t’i përgjigjej pozitivisht ftesës dhe të merrte pjesë në takim, pavarësisht qëndrimeve të saj politike.

“Refuzimi i Aleancës mendoj që është gabim shumë i madh, gabim politik, sepse nëse do t’ia imponosh kushtet e tua dikujt, duhet së pari me shku me bisedu. Nuk mundesh me shtatë vota në Parlament me i qit kushte dhe mos me shku me bisedu”, deklaroi Korqa.