Një debat i tensionuar është zhvilluar në “Politiko” mes komentatorëve politikë Blerim Gashi, Krenar Shala dhe Blerim Grainca, të cilët u përplasën ashpër mbi gjendjen ekonomike të Kosovës, investimet e huaja, inflacionin dhe deficitin tregtar.

Krenar Shala nisi diskutimin me një seri pyetjesh drejtuar të ftuarve:

“Sa janë rritë investimet e jashtme, a e din? Sa janë rrit rrogat, a e din?”, tha Shala, duke nënvizuar progresin që sipas tij ka ndodhur në ekonomi.

Blerim Grainca e kundërshtoi duke u fokusuar te inflacioni:

“Sot, sipas vet ministrit të Financave, e ki inflacionin 4.7% në Kosovë”, deklaroi ai.

Në këtë pikë, Gashi reagoi menjëherë:

“1.6 — i pasaktë me shifra”, tha ai, duke theksuar se Grainca po manipulon me të dhënat.

Debati vazhdoi të ashpër kur Grainca kritikoi gjendjen e bilancit tregtar:

“Sot e ki deficitin tregtar më të lartë se kurrë”, theksoi ai.

Gashi e mohoi këtë, duke pretenduar se situata është përmirësuar:

“Kjo nuk është e vërtetë, 1 me 11 u kanë — 1 me 6 është tash”, u përgjigj Gashi.

Por Grainca nguli këmbë:

“5.4 e ki”, tha ai, duke iu referuar të dhënave që pretendonte se janë aktuale. /Gazeta10