Një ditë pas mbajtjes së balotazhit në 18 komuna, rezultatet zgjedhore kanë sjellë reagime të shumta në skenën politike, për shkak të ndryshimeve të dukshme në përbërjen komunale.

Analisti politik, Mentor Shala, ka vlerësuar se Lëvizja Vetëvendosje mund të konsiderohet fituese e këtyre zgjedhjeve, duke marrë më shumë komuna sesa në zgjedhjet e kaluara.

“Unë mendoj që Lëvizja Vetëvendosje është fituese, për shkak se i ka tri komuna më shumë se në zgjedhjet e kaluara. Ndërsa humbëse janë PDK dhe LDK, për shkak të humbjes nga dy komuna secila,” tha Shala në emisionin Politiko.